水晶果凍

最近好似癲咗咁，成日整果凍，星期六行街街見到有水晶果凍粉又買......

做法好簡單只係加水加糖加生果就得，剛好有蜜桃同士多啤利......

睇落都幾晶瑩剔透......

一包果凍粉做到嘅份量唔多，只夠做一個果子模(8小件)，仲有小小剩，又叫豬仔出場，特別d做隻水晶菠蘿豬......

謀事在人成事在天

人心裏都策劃自己的行徑；但他的步伐卻由上主支配。(箴16:9)

自律

在一切之上，你要謹守你的心，因為生命是由此而生。(箴4:23)

上主，求你念及你的仁慈

上主，求你憶及你的仁慈和恩愛，因為它們由亙古以來就常存在。
我青春的罪愆和過犯，求你不要追念；上主，求你紀念我，照你的仁慈和良善。(詠25:6-7)

慎言

出言不慎，有如利刃傷人；智者的口，卻常療愈他人。(箴12:18)

再嚟桂花糕、木槺布甸

最近對眼比較攰，唔想對住部腦或者睇書，電視又無野好睇，所以星期日又再整桂花糕，今次用魚膠粉，糖落得比上次多但都唔夠甜，下次要再重手d，食落口覺得用魚膠粉做的比較彈用大菜的比較爽，各有各好，亞伯話再軟身d好d喎，咁下次落少d魚膠粉再試吓。
今次做錯幾件事，首先因為魚膠粉要雪至會凝固所以網上傳聞如果要d桂花唔沉底就要入雪櫃後5分鐘到攪吓佢，我睇住個鐘夠5分鐘諗住攪吓佢，但佢已經凝固咗攪唔到，所以d桂花無上次散得咁靚；第二樣據聞用魚膠粉唔好用太複雜嘅模，但係我貪靚，結果我攪咗好耐用果凍模(硬身嘅膠模)嗰8件只起到3件(仲要有少少爛...碟上方嗰3件)，我又懶叻，諗住用熱水浸浸佢易d甩，結果舊糕都溶埋要再雪過，以後用魚膠粉我都會用矽膠模軟身d易起d(碟下面嗰3件...)

桂花豬 ─ 豬仔模新買的......

同場加映早一日做的木槺布甸，雖然裡面疊到一層層但外邊都仲係差d，好彩味道就個個都話好味......
呢件自己食嘅......

呢盒外賣嘅......

桂花糕

好想整桂花糕，網上搵到嘅recipe一係用魚膠粉一係用大菜，見仲有一pack agar agar又試吓先，之前已經叫母親幫我係老三陽買咗樽糖桂花，我早兩日又貪靚去買多個果凍模......

新的果凍模......

心心......

大大朵太陽花......

第一次整我覺得個樣都唔錯d桂花又散得幾好，因為怕甜唔係落咗好多糖，雪凍後又覺得仲可以甜d，下次要試吓用魚膠粉嘅效果......

是非要分

你們說話，是就說是，非就說非，免得你們招致審判 。(雅5:12)

柚子蜜桃果凍

除了讀書時整過almond jelly之後都好似無整過果凍(當然除了嗰d羅笨臣之外啦)，網上見人整d果凍好靚又想試吓，原本recipe係用魚膠粉同有落糖，不過我諗吓落多d柚子蜜仲好啦，所以無再加糖.，同埋我係用agar agar(台灣叫洋菜粉，好似即係大菜...)，本來諗住簡簡單單只用柚子蜜，但係亞媽話想食桃，咁就加埋桃啦.....用咗唔同嘅模具......

有圈圈......

有心心......

有花花......(不過脫模時...整爛咗少少...右上角朵花花無咗d...)