綠茶黑芝麻蛋糕

星期六買了新的蛋糕模，立刻試用‧今次選了喜歡的綠茶跟黑芝麻‧

開始預備材料時已出現問題，綠茶粉買錯了，再看清包裝寫蓍粉茶(加了綠茶粉的綠茶)，白痴，只好用濃濃的綠茶水代替綠茶粉，失敗!

過了預定的時間蛋糕還未熟，加多十分鐘，仲未得，再加，就這樣等著，試著，重複又重複，眼見蛋糕愈來愈黑但仍未熟，我塊面都開始同個蛋糕一樣愈來愈黑‧終於等了不知多久，它終於熟了也黑了‧

出爐時母親說好香，我卻說多數都是失敗的了，把蛋糕退模，好靚的太陽花啊，不過好像曬"火農"了‧

這時母親不知是否在安慰我還是在玩我，說：「幾靚呀!成個月餅咁!」月餅?「係呀，幾似呀!只差雙黃兩個字!」呢位師奶你有冇理過我的感受呀?仲講得咁開心!母愛喎!無愛就真!


到了試食時間，母親先行試食，佢話ok喎，好香芝麻味，我試下又真係唔差喎，好香芝麻不過就食唔出綠茶味，都叫有番少少安慰!最後母親留了半個"月餅"作她的早餐‧





點解我焗muffin, pound cake都冇事，次次一焗蛋糕仔就出事?開始懷疑個recipe有問題(其實開始想姓賴).