寒天杞子桂花糕

放假都係喺到做繡繡，繡得多好攰，見仲有糖桂花又做下簡單嘅桂花糕先，今次唔用魚膠粉用寒天粉做，加埋杞子補補對眼......

同場加映新鮮出(微波)爐燒賣，懶惰嘅我唔想煮，叮叮燒賣做晚餐，加埋d甜豉油都幾似7仔嗰d......

主恩

倚恃上主的人，必明白真理；忠信於上主之愛的人，必與他同住，因為恩澤與仁慈，原歸於他所選拔的人。(智3:9)

全因有祢

我主上主，你是我的期望，你是我自幼唯一的仰仗。(詠71:5)

謀事在人成事在天

將你的作為委託於上主，這樣你的計劃必會成功。(箴16:3)

天主的愛

天主對我們的愛在這事上已顯出來：就是天主把自己的獨生子，打發到世界上來，好使我們藉著他得到生命。(若一4:9)

笨吖嗱

Miss : 豬仔...你做乜坐住我d蕉呀？

: 幫你坐熟佢...等你可以快d出蕉嘛......

Miss : 咁乖呀...仲記唔得Miss教你蕉蕉嘅英文係乜呀？

: 笨吖嗱......

Miss: 你就笨......

新鮮出爐嘅蕉蕉合桃muffin......

: 一人一個呀？...

Miss : 你學識蕉蕉嘅英文先有得食......

: 笨吖嗱...你成日都咁講架...乜唔係咩......

藍莓cheese cake

買了好耐的藍莓醬同cream cheese已經呼喚了我一段時間，忙了兩晚去backup data(死了隻harddisk)，昨晚終於有時間將佢地結合埋一齊，第一次焗藍莓cheese cake，超懶嘅我唔想掃油上粉所以用了矽膠的muffin模做，細細件唔怕食滯，個樣唔係太靚仔，但都好好味......

濃濃的朱古力muffin

好耐無開爐，突然間又好想食muffin，屋企無乜材料，只有黑朱古力，咁就古古力啦，網上找的recipe再經我減糖加奶嘅出品，很濃的古古力味，如果加埋合桃就仲正......

越南粉粉

之前喺吉豬島買嘅，不過唔係成日有，每次都係見佢做promote先有得賣，唔駛煮，放熱水焗3分鐘就食得，啱晒懶人，味道都唔錯，好過外面有d不知所謂嘅粉粉...

今日去完聖堂返屋企焗個食下，懶健康咁切多半個椰菜，洗完把刀諗住放番好佢，拎住把刀嘅右手突然發軟蹄，把刀跌落左手背，好彩只係損少少腫少少，自己斬自己差d多隻豬手做餸......

蘋果蘆薈蒟蒻凍

早兩天寬覺提我已很久沒做果凍，想起之前買了一包無糖蒟蒻果子凍粉，又望下個雪櫃有乜嘢可以做，有蘋果汁，有喺"老人家"買嘅蘆薈，就咁簡簡單單啦。

用咗個新買嘅果凍模，影出嚟好似好普通，都係有d七彩生果靚d......

蒟蒻，日本稱魔芋，天南星科魔芋屬，多年生宿根性塊莖草本植物。蒟蒻的主要特色，是含有豐富纖維素，但只有很少的熱量。主要成份為葡萄糖及甘露糖鍵結的多醣類，屬於水溶性纖維的一種。因為人的消化系統沒有能力將其消化和吸收，因此能夠幫助腸胃的蠕動，在日本有「胃腸清道夫」之稱。

蘆薈可以清熱降火，清腸排毒。

蘋果汁可以調理腸胃。

整完、食完，寫blog至發覺原來樣樣都係清腸嘅......