蜂蜜梅酒凍

之前用蜂蜜梅酒soda做寒天凍，今次就用無氣嘅蜂蜜梅酒做，原recipe係梅酒再加蜂蜜，我用的是Choya蜂蜜梅酒，所以無再加蜂蜜，味道好似淡咗d...

記得睇過有recipe係加雪糕食，咁我又試吓，都幾得意...

日式咖哩

第一次用咖哩磚煮咖哩，以前都係買即食嘅咖哩，加熱就食得，不過就汁多料少囉...
今次試吓自己煮，原來都好簡單，最複雜咪係切粒粒囉，不過我切完十隻手指都仲好完整。用料有洋蔥、紅蘿蔔、薯仔同少少牛柳粒，今次薯仔仲連皮食，又唔錯喎...

煮起都好多，唔知我要食幾耐呢?...

加隻蛋再加碟菜，就係我嘅晚餐，好滿足......

雖然煮日式咖哩無難度，但最後都發生少少意外，就係煎蛋蛋時隻手指同隻熱辣辣嘅鑊仔作了個親密接觸，腫咗少少...

蜂蜜黑朱古力合桃蛋糕

原本recipe是用朱古力豆放面做裝飾的，但我無朱古力豆，所以改用我喜愛嘅合桃，內裡亦都加了切碎嘅合桃......

甜甜嘅蜂蜜...濃濃嘅古古力...脆脆嘅合桃......最好配多杯香香嘅咖啡......

Apple Juice & Ginger Ale 寒天凍

今次試用Apple Juice，無加糖，只係加咗d椰果，唔錯，酸酸地，感覺好似幾健康......

除咗心心同豬豬仲有花花......

呢個就用咗Ginger Ale，不過好似唔夠實，味道咪好似Ginger Ale咁囉......

樂善好施

樂善好施的人必蒙受祝福。(詠112:5)

甜蜜謊言

星期日睇完樞機廚房，又想去講吓大話，本來藍莓話今次到佢，但係我又想起之前古古力嘅甜言蜜語，所以最後都係俾古古力再次說謊......
雖然古古力外表唔多靚仔(特別係左面嗰d)，但佢有內涵嘛，又識氹人開心，而且我都唔係貪靚仔嘅人......放佢入口，濃濃嘅古古力味，唔錯......

上星期做嘅Almond Jelly with Fruits，唔知點解多數recipe都會叫佢做杏仁豆腐，明明無豆腐，呃鬼咩...(原來都係大話精...)...
本來係用奶加almond essence，但係我cheap唔想特登去買almond essence，所以我用咗亞伯平時飲嘅杏仁霜嚟做，唔知係唔係落多咗水，好似唔夠爽口......

說謊連連

說謊一次之後就會有下次......
因為上次古古力說謊，令到咖啡跟住都學人說謊，為了圓謊，所以咖啡又偷偷拉埋古古力一齊，變咗mocha說謊......

咖啡同古古力都是我喜歡的...好味......

跟住過兩日紅茶見到說謊竟然受歡迎，又好學唔學講埋一份......

結果係......好鬆軟......似乎說謊進步了......

說謊古古力

本來想焗muffin，打開個櫃見到之前買的朱古力塊，又試吓先，呢個說謊(雪芳)古古力除了用可可粉仲用了朱古力塊，所以焗出嚟好濃古古力味，出嚟個樣又無起晒皺紋都算ok靚仔......
食咗說謊蛋糕會講大話架......不過可以食番個誠實豆沙包解毒......

寒天凍

寒天(kanten)，是日本名稱，有說即是大菜(洋菜)，有說又有些不同，網上傳聞功效神奇：零熱量，無負擔，高纖維，助排便，高飽足感，熱助窈窕，超強包覆，控制熱量吸收，豐富礦物質及營養素。
唔理有乜功效都係當貴價大菜用好了，在日本網頁找到個用梅酒soda嘅recipe，又試吓先......
我用咗半包寒天粉同蜂蜜梅酒...(用咗之前買牛奶布丁嘅小樽，好似都幾襯...)...

味道都唔錯...仲見到有氣泡架...

另一半寒天粉我就加咗柚子蜜，食落好似比上次用洋菜粉做嘅好喎(心理作用?...)...

各有恩寵

每人都有他各自得自天主的恩寵：有人這樣，有人那樣。(格前7:7)